Michael Carrick, fyrrum leikmaður Manchester United, hefur greint frá því hver er besti leikmaður sem hann hefur spilað með.
Carrick spilaði með ófáum frábærum leikmönnum á Old Trafford áður en hann lagði skóna á hilluna eftir síðasta tímabil.
Carrick lék með leikmönnum á borð við Ryan Giggs, Cristiano Ronaldo og Wayne Rooney á ferlinum.
Það er hins vegar Paul Scholes sem fær atkvæði Carrick sem besti leikmaður sem hann hefur leikið með.
,,Ég segi alltaf Scholes því hann var hliðina á mér og að spila með honum á miðjunni var frábært,“ sagði Carrick.
,,Við spiluðum með nokkrum mögnuðum, stórkostlegum leikmönnum en ég enda alltaf aftur hjá Scholes.“