Jurgen Klopp, stjóri Liverpool, segir að það sé tilgangslaust að stefna á að vera næst bestur í fótbolta.
Klopp vill vinna bikar með Liverpool á tímabilinu og hefur engan áhuga á að lenda í öðru sæti sem gefur lítið í boltanum.
,,Enginn vill horfa til baka eftir 10 eða 20 ár og segja að besti tíminn án þess að vinna neitt hafu verið undir stjórn Klopp, að það væri fyndið og allt það,“ sagði Klopp.
,,Það er ekki eitthvað sem þú vilt afreka en tímarnir hafa breyst. Það er mun erfiðara að vinna en það var.“
,,Við erum kannski í besta séns í langan tíma en það eru önnur lið sem hafa tekið sömu skref. Það gerir þetta erfitt.“
,,Í flestum íþróttum þá færðu silfur medalíu fyrir að ná öðru sætinu. Í fótbolta þá þýðir það ekki neitt og fyrir mig þýðir það ekki neitt. Ég vil vinna.“
