Það eru góðar líkur á því að goðsögnin Thierry Henry muni taka við liði Monaco á næstu dögum.
Henry er sterklega orðaður við starfið en Leonardo Jardim var rekinn frá félaginu eftir slæmt gengi á dögunum.
Henry er lang líklegastur til að taka við en hann hefur undanfarin ár verið aðstoðarþjálfari belgíska landsliðsins.
Samkvæmt fregnum kvöldsins vill Henry fá Kwame Ampadu til að starfa með sér hjá Monaco.
Kwame er þjálfari U18 liðs Arsenal og er þá faðir Ethan Ampadu sem er efnilegur leikmaður Chelsea.
Kwame og Henry þekkjast vel en þeir unnu saman á Emirates á sínum tíma er Arsene Wenger var við stjórnvölin.