Eden Hazard, leikmaður Chelsea, gaf það út á dögunum að hann þyrfti mögulega að fara til Spánar vilji hann vinna Ballon d’Or verðlaunin.
Real Madrid hefur áhuga á að fá Hazard næsta sumar og er það draumur leikmannsins að spila þar.
Goðsögnin Andriy Shevchenko telur þó að Hazard þurfi ekki að færa sig um set til að vinna þessi virtu verðlaun.
,,Af hverju vinna sóknarmenn alltaf Ballon d’Or verðlaunin? Því þeir klára sóknirnar,“ sagði Shevchenko.
,,Fólk vill sjá mörk. Hazard er stórkostlegur leikmaður en hann var aldrei að skora þessi 20-25 mörk á tímabili.“
,,Á þessu tímabili er hann með átta mörk svo hann er á góðri leið. Hann á klárlega mögulega á að vinna Ballon d’Or.“