Það eru ekki allir leikmenn sem fá þann heiður að vera orðaðir við spænska stórliðið Barcelona.
Frenkie de Jong, 21 árs gamall miðjumaður Ajax er þó einn af þeim en hann er sagður ofarlega á óskalista Barcelona.
De Jong var fyrst orðaður við brottför í byrjun árs og síðan þá er reglulega talað um strákinn.
Hann hefur sjálfur engan áhuga á að ræða þessi mál lengur og er orðinn þreyttur á sömu spurningunni.
,,Til að byrja með þá var þetta skemmtilegt og þetta var mikill heiður en eftir smá tíma varð þetta pirrandi,“ sagði De Jong.
,,Eins og er þá er ég leikmaður Ajax og verð það allavegana í eitt ár eða kannski tvö eða þrjú. Ég nýt þess að spila hér.“