Paul Pogba, leikmaður Manchester United, segir að hann sé löngu hættur að hlusta á gagnrýni í fjölmiðlum.
Pogba er reglulega á milli tannanna á fólki og hefur verið gagnrýndur fyrir frammistöðu sína á Englandi.
Hann pælir sjálfur lítið í því hvað fólk er að segja og einbeitir sér aðallega að því að bæta eigin leik.
,,Ég er mannlegur eins og allir aðrir. Ég hef heyrt gagnrýnisraddir síðan ég var lítill og hlusta ekki lengur,“ sagði Pogba.
,,Þetta er fólk sem sinnir sínu starfi og ég get ekki tekið það af þeim og þarf að standa mig á vellinum.“
,,Það er alltaf betra að heyra hrós og að segja að ég sé að leggja mig fram frekar en að vera latur. Ég er enn mjög hungraður.“
,,Ég vil vera fyrirmynd fyrir marga. Allt sem ég á hefur Guð gefið mér en það er ekki undir mér komið að halda því.“