Roy Keane, aðstoðarþjálfari írska landsliðsins, stefnir að því að taka við nýju félagsliði á næstunni.
Keane hefur stýrt Sunderland og Ipswich á þjálfaraferlinum en entist tvö ár hjá báðum liðum.
Hann hefur verið aðstoðarþjálfari Írlands frá árinu 2013 og er opinn fyrir því að taka að sér nýtt verkefni.
,,Sú hugmynd að sjá eitthvað félag og hugsa með þér ‘Ég væri til í þetta starf’ – Ég virka ekki þannig,“ sagði Keane.
,,Ég einbeiti mér bara að því verkefni sem ég er að vinna og það er stórt verkefni með Írlandi en vonandi bráðlega þá mun ég gerast stjóri á ný.“
,,Þetta snýst bara um að fá tilboðið og áskorunina og ég verð tilbúinn. Ég býst ekki við að það verði í ensku úrvalsdeildinni, frekar í Championship deildinni en það eru mörg góð félög þar.“