Süddeutsche Zeitung heldur því fram að Stuttgart hafi haft áhuga á að ráða Heimi Hallgrímsson til starfa.
Tayfun Korkut var rekinn um helgina en Markus Weinzierl fékk að lokum starfið.
Ekki er vitað hvort einhverjar formlegar viðræður hafi átt sér stað við Heimi en áhugi var til staðar.
Sterkar sögur eru í gangi um að Heimir haldi í MLS deildina seint á þessu ári og fari í þjálfun þar.
Heimir lét af störfum sem þjálfari íslenska landsliðsins eftir HM í Rússlandi, þar vann hann magnað starf.
Lið um allan heim tóku eftir árangri Heimis og hefur hann nú þegar hafnað nokkrum störfum.