Ferill miðjumannsins Renato Sanches hefur verið ansi furðulegur en hann spilar með Bayern Munchen í Þýskalandi.

Sanches kom þangað frá Benfica árið 2016 en var í miklum vandræðum á sínu fyrsta tímabili.

Miðjumaðurinn var í kjölfarið lánaður til Swansea á Englandi þar sem hann spilaði aðeins 12 deildarleiki er liðið féll úr efstu deild.

Sanches stóð sig mjög vel á EM 2016 er Portúgal fagnaði sigri og var talinn einn allra efnilegasti leikmaður heims.

Eftir mótið náði hann þó ekki að sanna sig hjá Bayern né Swansea og var útlitið svart.

Sanches hefur hins vegar mætt vel til leiks á þessu tímabili og var í dag valinn leikmaður mánaðarins hjá Bayern.

Sanches er enn aðeins 21 árs gamall og á nóg eftir á ferlinum og virðist nú loksins vera að sanna sig hjá félagsliði.