John Terry ákvað í gær að leggja skóna á hilluna eftir farsælan feril en hann er í dag 37 ára gamall.
Terry lék lengst með Chelsea á ferlinum en spilaði síðast eitt tímabil með liði Aston Villa í næst efstu deild.
Margir hafa sent Terry kveðju en hann er talinn vera einn besti varnarmaður í sögu Englands.
Diego Costa er einn af þeim sem sendi Terry kveðju en þeir voru saman hjá Chelsea á sínum tíma.
,,Til hamingju með frábæran og árangursríkan feril,“ skrifaði Costa við færslu á Instagram.
,,Takk fyrir allt sem þú gerðir fyrir mig hjá Chelsea (Þó ég hafi aldrei skilið orð af því sem þú varst að segja).“
,,Ég óska þér alls hins besta í því sem þú tekur þér fyrir hendur.“