Maurizio Sarri, stjóri Chelsea, hefur aðeins áhuga á því að græða peninga segir forseti Napoli, Aurelio De Laurentiis.
De Laurentiis er enn reiður út í Sarri sem ákvað að yfirgefa Napoli í sumar og stökkva á tækifærið á Englandi.
,,Sarri? Ég hélt ég hafði hitt stjóra sem myndi vera lengi hjá Napoli. Á ákveðnum tímapunkti þá byrjaði allt að snúast um peninga,“ sagði De Laurentiis.
,,Allt í einu réðu fjölmiðlar hvernig samningur hans ætti að vera. Við fórum úr 700 þúsund evrum upp í eina og hálfa milljón.“
,,Ég heyrði hann líka segja einn saginn að í næsta samningi sínum þá vildi hann verða ríkur.“
,,Hann sagðist elska borgina og ég trúði því til að byrja með en svo velti ég því fyrir mér hvort hann væri að nota mig sem banka.“