Paul Pogba, leikmaður Manchester United og franska landsliðsins, segir að hann þurfi ekki að fá fyrirliðabandið hjá landsliðinu.
Pogba var um tíma varafyrirliði United á tímabilinu áður en Jose Mourinho ákvað að taka af honum bandið.
Pogba segir að hann þurfi ekki bandið til að vera leiðtogi en hann lætur vel í sér heyra innan sem utan vallar.
,,Ég hef aldrei spilað fyrir Frakkland til að gerast fyrirliði. Það er nóg fyrir mig að vera hérna,“ sagði Pogba.
,,Þú þarft ekki að vera fyrirliði til að láta í þér heyra. Að vera leiðtogi tengist fyrirliðabandinu ekki neitt.“
,,Sem dæmi þá var Andrea Pirlo leiðtogi en hann talar ekki mikið í búningsklefanum. Hann er á vellinum og sýnir þér réttu leiðina. Hann er alvöru leiðtogi.“
,,Að fá fyrirliðabandið hefur aldrei verið markmiðið.“