Ederson, markvörður Manchester City og Brasilíu, viðurkennir að samherji sinn, Alisson sé einu skrefi á undan sér.
Ederson og Alisson berjast um byrjunarliðssæti hjá brasilíska landsliðinu en Alisson var markvörður liðsins á HM í sumar.
Ederson hefur staðið sig mjög vel í marki City og vann Englandsmeistaratitilinn á síðustu leiktíð.
Alisson samdi við Liverpool í sumar og hefur þótt byrja þar nokkuð vel þrátt fyrir örfá mistök.
,,Ég tel að við séum nokkuð svipaðir. Hann hefur byrjað tímabilið mjög vel hjá Liverpool,“ sagði Ederson.
,,Hérna þá er hann einu skrefi á undan mér, hann spilaði á HM. Brasilía er með marga góða markmenn og þeir sem koma inn standa sig vel.“
,,Að vera partur af landsliðinu er frábært en að fá að spila er ennþá betra.“