Aston Villa á Englandi hefur staðfest það að Dean Smith sé nýr aðalþjálfari liðsins.

Smith hefur sterklega verið orðaður við starfið undanfarið en hann náði mjög góðum árangri með Brentford.

Steve Bruce var á dögunum rekinn frá Villa og var Thierry Henry orðaður við starfið. Hann tekur þó ekki við.

Smith er ekki eini sem Villa fékk til sín en John Terry, fyrrum leikmaður liðsins, verður aðstoðarmaður Smith.

Terry lék með Villa á síðustu leiktíð en hann ákvað að leggja skóna á hilluna í gær.

Terry vill sjálfur fara út í þjálfun og tekur sitt fyrsta skref með því að aðstoða Smith á Villa Park.

Birkir Bjarnason er á mála hjá Villa og vonandi fær hann að spila meira undir stjórn Smith en undir Bruce.