Jose Mourinho stjóri Manchester United vill ekkert segja til um það hvort hann hafi verið kallaður á fund hjá félaginu.
Mourinho ræddi við fréttamenn í dag fyrir leik liðsins gegn Valencia í Meistaradeildinni á morgun.
Krísa er á Old Trafford og gæti Ed Woodward stjórnarformaður farið að íhuga að reka Mourinho.
,,Það er bara okkar einkamál, ég ætla ekki að svara þessu,“ sagði Mourinho þegar hann var spurður um hvort Woodward hefði kallað sig á fund.
Mourinho neitar einnig að trúa því að leikmenn leggi sig ekki fram en hlaupatölur úr síðustu leikjum benda til þess.
,,Ég neita að trú því að leikmenn séu ekki heiðarlegir, ég held að leikmenn vilji alltaf leggja sig fram og gera sitt besta.“
,,Ef einhver leikmaður segir mér að hann hafi ekki lagt sig fram, þá gæti ég trúað því.“