Srdjan Tufegdzic er nýr þjálfari Grindavíkur í Pepsi-deild karla en þetta var staðfest af félaginu í dag.
Túfa eins og hann er kallaður tekur við liði Grindavíkur af Óla Stefáni Flóventssyni sem hætti eftir tímabilið.
Óli Stefán var kynntur sem nýr þjálfari KA á dögunum og tekur einmitt við starfinu af Túfa sem fer hina leiðina.
Túfa skrifar undir þriggja ára samning í Grindavík en hann náði afar góðum árangri á Akureyri.
Túfa kom fyrst til KA sem leikmaður fyrir um 12 árum síðan og fékk síðar tækifæri til að taka við aðalliðinu.