Það var í umræðunni fyrr í sumar þegar fjölmiðlar náðu ekki tali á landsliðsfyrirliðum Íslands í bæði karla og kvennaflokki.
Gylfi Þór Sigurðsson vildi ekki mæta í viðtöl eftir stórtap gegn Belgíu í síðasta mánuði og það sama má segja um Söru Björk Gunnarsdóttur eftir leik Íslands við Tékkland.
Þeir Erik Hamren og Freyr Alexandersson sátu fyrir svörum á blaðamannafundi í dag og ræddu hvað átti sér stað í síðasta mánuði.
,,Við höfum rætt þetta, ef ég byrja að ræða kvennalandsliðið. Ég þarf að verja leikmennina tvo, Sara Björk hefur alltaf mætt í viðtöl. Hún brenndi af víti á 95 mínútu, eigum við ekki að leyfa henni að gráta inn í klefa eða hvað. Ég gat ekki gripið inn í neitt, við verðum stundum að lesa í aðstæður. Þetta var rétt ákvörðun hjá fjölmiðladeildinni að leyfa henni að vera til hliðar.“
,,Varðandi þetta með að menn mættu ekki viðtöl eftir leikinn gegn Belgíu, stíga varlega til jarðar. Að allt sé ómögulegt og óþægilegt, tala um að vondir draugar séu að ráðast á okkur aftur. Við erum ekki ánægðir með þetta, við tölum um þetta sem lið hvernig við höfum þessa hluti. . Við viljum eiga í góðum samskiptum við stuðningsmenn og fjölmiðla.“