Jose Mourinho stjóri Manchester United skellti sökinni á lögregluna í borginni fyrir að liðið mætti of seint til leiks gegn Valencia í gær.
Fresta þurfti byrjun leiksins svo að United næði að hita upp en liðið var fast í umferð.
Liðið gaf sér hálftíma til að komast stutta leið frá hótelinu á völlinn en ferðin tók 75 mínútur.
,,Við vonuðumst eftir því að hálftími væri nóg, það er það yfirleitt,“ sagði Mourinho.
,,Lögreglan neitaði að fylgja okkur á völlinn,“ sagði stjórinn en lögreglan í Manchester segir að liðið hafi aldrei beðið um fylgd.
UEFA ætlar nú að skoða hvort sekta beri United fyrir að skila sér ekki á leiksstað í tíma. Leiknum lauk með markalausu jafntefli.
"We left the hotel at six o'clock, hoping that 30 minutes would be enough" #mufc pic.twitter.com/PnGqSLKPtv
— Man United News (@ManUtdMEN) October 2, 2018