Liverpool var í vandræðum í Meistaradeild Evrópu í kvöld er liðið heimsótti ítalska stórliðið Napoli.
Liverpool hefur spilað flottan sóknarbolta undir stjórn Jurgen Klopp en var í erfiðleikum fyrir framan markið í kvöld.
Liverpool átti aðeins fimm marktilraunir í 1-0 tapi og fór ekki eitt af þeim skotum á mark heimamanna.
Þetta er í fyrsta sinn í 12 ár sem Liverpool nær ekki skoti á markið í Meistaradeildinni.
Það gerðist síðast í febrúar árið 2006 er liðið tapaði 1-0 gegn Benfica.
Napoli var mun sterkari aðilinn í leik kvöldsins og átti alls 14 marktilraunir og þar af fimm á markið.
0 – Liverpool failed to muster a single shot on target in a Champions League game for the first time since February 2006 (0-1 vs Benfica). Wayward. pic.twitter.com/bjYUuzDkz5
— OptaJoe (@OptaJoe) 3 October 2018