Ólafur Jóhannesson, þjálfari Vals segir það auðveldara að vinna Pepsi deildina í þriðja skiptið í röð frekar en tvisvar í röð. Þetta kom fram í viðtali við RÚV.
Ólafur stýrði Vals til sigur í deildinni annað árið í röð um helgina og hann telur að það verði auðveldara að klára hann í þriðja skiptið.
Ólafur er afar sigursæll þjálfari en hann þann stóra í nokkur skipti með FH.
„Það er erfitt að verja titil. Það er margt sem spilar inn í það, oft eru menn saddir, svo nálgast nú mótherjarnir meistara oft öðruvísi – leggja sig meira fram og vilja sýna þeim að þeir séu líka góðir. En það er auðveldara að verja hann í þriðja sinn, heldur en að vinna hann í annað sinn. Mundu það!“ sagði Ólafur við RÚV.
Ólafur segist hafa óttast Breiðablik miklu meira en Stjörnuna í baráttunni um þann stóra en Blikar enduðu að lokum í öðru sæti. Aðeins tveimur stigum á eftir Val en Stjarnan var sex stigum á eftir.
„Núna í sumar var meiri spenna [en í fyrra]. Ég meina Breiðablik, Stjarnan, FH, KR, öll þessi lið voru frábærlega vel mönnuð. Þannig að það kom mér svo sem ekkert á óvart að það yrði keppni um það. Ég var alltaf hræddari við Breiðablik en Stjörnuna.“