Jose Mourinho stjóri Manchester United hefur enn á ný beint spjótum sínum að leikmönnum félagsins.
Þetta gerir Mourinho í blaði sem gefið er út fyrir leik United gegn Valencia í Meistaradeildinni í kvöld.
Það eru læti hjá United þessa dagana en starf stjórans er í mikilli hættu. Leikmenn eru margir orðnir þreyttir á starfsháttum hans.
,,Ég vil segja við leikmennina að viðhorfið er það mikilvægasta og við stuðningsmennina vil ég segja, ég get ekki beðið um meira frá ykkur,“ skrifar Mourinho.
,,Ég get ekki beðið um meira en það sem þeir gefa okkur á heima og útivelli, þrátt fyrir slæm úrslit. Ég get ekki beðið um meira frá stuðningsmönnum.“
,,Það er komið að þeim tímapunkti að fólkið á vellinum sanni að þeir elski félagið eins mikið og stuðningsmenn okkar.“