Milan Joksimovic og Vladimir Tufegdzic hafa báðir spilað sinn síðasta leik fyrir KA en samningar þeirra eru á enda. Þetta fékk 433.is staðfest í dag.
Joksimovic er vinstri bakvörður sem gekk í raðir KA fyrir tímabilið og átti ágætis spretti.
Hann lék 17 leiki í deild og bikar með KA en róar nú á önnur mið. Hann er fæddur árið 1990.
Vladimir Tufegdzic sem kom til KA frá Víkingi á miðju sumri er einnig á förum frá félaginu.
Þessi leikni sóknarmaður hefur spilað á Íslandi frá árinu 2015 og átt ágætis spretti.
Báðir aðilar hafa áhuga á spila áfram á Íslandi en þeim er frjálst að ræða við önnur lið.
Óli Stefán Flóventsson tók við þjálfun KA í gær og mun fara í breytingar á hópi liðsins.
