Óli Stefán Flóventsson hefur verið ráðinn nýr þjálfari KA í Pepsi-deild karla.
Þetta staðfesti félagið í dag en Óli tekur við af Srdjan Tufegdzic sem hætti með liðið á dögunum.
Óli skrifar undir þriggja ára samning við KA en hann hefur undanfarin ár verið hjá Grindavík.
Óli náði virkilega góðum árangri í Grindavík en vildi breyta til og hefur nú fært sig yfir til Akureyrar.
Óli stýrði Grindavík í þrjú ár, kom liðinu upp í efstu deild og náði að halda liðinu þar í tvö ár.
