Maccabi Tel Aviv tók á móti Maccabi Netanya í ísraelsku úrvalsdeildinni í kvöld en leiknum lauk með 3-0 sigri heimamanna.
Mor Yaaquv, leikmaður Netanya fékk að líta beint rautt spjald á 10. mínútu og gestirnir því einum færri það sem eftir lifði leiks.
Barak Itzhaki kom svo Tel Aviv yfir á 75. mínútu áður en Viðar Örn Kjartansson kom heimamönnum í 2-0 á 82. mínútu.
Viðar bætti svo öðru marki sínu við í uppbótartíma og lokaölur því 3-0 fyrir Maccabi Tel Aviv sem er í fjórða sæti deildarinnar með 35 stig, tveimur stigum frá toppliði Hapoel Beer Sheva.
