Björn Bergmann Sigurðarson hefur verið seldur frá Molde til FC Rostov í Rússlandi.
Norska félagið staðfesti þetta nú rétta í þessu.
Björn átti frábært tímabil með Molde og voru mörg félög sem höfðu áhuga á honum.
Björn gerir þriggja og hálfs árs samning við Rostov með mögueika á einu auka ári.
Rostov virðist hrífast að Íslendingum því félagið festi kaup á Sverri Inga Ingasyni í sumar.
Sverrir hefur stimplað sig inn sem lykilmaður hjá félaginu. Líklegt er að báðir leikmenn verði í hópi íslenska landsliðsins á HM í sumar.
,,Mér hefur liðið vel í Molde og kunnað vel við alla hjá félaginu, þetta eru vinir mínir í dag,“ sagði Björn við heimasíðu Molde.
,,Það hefur verið gaman að æfa undir stjórn Ole Gunnar, þetta er tækifæri sem ég varð að taka til að spila í betri deild.“
Þar mun einn leikur Íslands fara fram á nýjum heimavelli félagsins en um verður að ræða síðasta leikinn í riðlinum gegn Króatíu.
Björn er 26 ára gamall framherji en hann hefur leikið með Lilleström, Wolves, Molde og FCK í atvinnumennsku. Hann lék með ÍA á Íslandi.
,,Björn er frábær drengur að vinna með, hann er góður liðsfélagi innan og utan vallar. Við þökkum honum fyrir allt hjá Molde og ég óska honum góðs gengis í Rússlandi og vonast til að sjá hann á HM með Íslandi,“ sagði Ole Gunnar Solskjær þjálfari Molde.
🔥🔥🔥
Welcome! 💛💙
Нападающий сборной Исландии Бьорн Сигурдарсон подписал с нашей командой долгосрочный контракт на 3,5 года с опцией продления на 1 год. pic.twitter.com/J8eIVJXoLm
— Football Club Rostov (@rostovfc) January 5, 2018