Birkir Már Sævarsson, leikmaður Vals, var í skýjunum í dag eftir 4-1 sigur liðsins á Keflavík. Valur er Íslandsmeistari annað árið í röð.

,,Það er yndislegt, það gerist ekki betra,“ sagði Birkir um það að snúa aftur heim og vinna titil á fyrsta ári.

,,Sumarið hefur verið mjög gott heilt yfir, við byrjum kannski í hægagangi en svo var spilamennskan vaxandi út tímabilið og endaði frábærlega.“

,,Þetta hefur verið undir okkur komið og okkur líður best þannig. Við unnum vinnuna sjálfir.“

,,Þetta er jafn sætt og árið 2007, það er alltaf jafn sætt að vinna þennan titil.“

,,Gæðin í deildinni eru miklu betri en ég bjóst við og liðið er frábært. Þetta er sennilega besta lið sem hefur spilað í úrvalsdeildinni á Íslandi.“