Afar líklegt er að William Daniels, kantmaður Grindavíkur yfirgefi félagið þegar Pepsi deildin er á enda. Samningur hans er senn á enda.

Daniels hefur verið einn besti leikmaður liðsins í sumar, hann hefur skorað fimm mörk í 18 leikjum af kantinum. Hann er fæddur árið 1990.

Daniels er að klára sitt þriðja tímabil með Grindavík en hann er frá Bandaríkjunum.

Brjánn Guðjónsson hjá Viza Managment, umboðsmaður Daniels staðfesti þetta í samtali við 433.is.

Hann staðfesti einnig að lið í næst efstu deild í Svíþjóð hefðu sýnt Daniels áhuga á síðustu vikum.

Líklegt er að hann fari á reynslu þar að tímabili loknu en Brjánn vildi ekki gefa upp hvaða lið hefðu áhuga.

Þá er það einnig opið fyrir Daniels að vera áfram á Íslandi en hann mun skoða möguleika sína eftir helgina.