Óli Stefán Flóventsson ákvað það fyrr í sumar að hætta með lið Grindavík þar sem hann hefur náð flottum árangri.
Óli kom Grindavík upp í efstu deild og hefur undanfarin tvö tímabil náð að halda liðinu um miðja deild.
Hann mun hins vegar róa á önnur mið í sumar og samkvæmt Hjörvari Hafliðasyni, sparkspekingi, þá mun Óli taka við KA.
Hjörvar sér um hinn gríðarlega vinsæla hlaðvarpsþátt Dr. Football og mun ræða ráðningu Óla á morgun.
,,Við ræðum við Óla Stefán Flóventsson, nýjan þjálfara KA. Doc fékk það staðfest í dag að hann tekur við liðinu,“ sagði Hjörvar á Twitter.
Óli tekur því við af Srdjan Tufegdzic sem ákvað að halda ekki áfram með KA.