Samband Jose Mourinho og Paul Pogba er mikið rætt þessa dagana en það er sagt vera í molum.
Ný saga kom upp í dag þar sem greint er frá því að Pogba muni aldrei aftur bera fyrirliðaband United undir stjórn Mourinho.
Mourinho var ekki ánægður með Frakkann um helgina í 1-1 jafntefli við Wolves og mun finna sér nýjan fyrirliða.
Það er áhugavert að skoða hvernig samband Mourinho og Pogba hefur þróast síðan sá síðarnefndi kom aftur til félagsins 2016.
Þeir voru lengi vel á góðum nótum eftir komu miðjumannsins en með tímanum hefur sambandið versnað og versnað.
Pogba hefur gagnrýnt hvernig liðið spilar undir stjórn Portúgalans og Mourinho hefur lítið vilja tjá sig um leikmanninn undanfarnar vikur.
Hér má sjá hvernig samband þeirra hefur þróast með árunum.