Rafael Benitez, stjóri Newcastle á Englandi, hefur verið ákærður af enska knattspyrnusambandinu.
Þetta var staðfest í dag en Benitez er ákærður fyrir ummæli sem hann lét falla fyrir leik gegn Crystal Palace um helgina.
Benitez sagði þá að hann væri hissa á því að Wilfried Zaha, leikmaður Palace, hafi ekki fengið refsingu fyrir ummæli sem hann lét falla um dómara á Englandi.
Zaha er óánægður með þá vernd sem fær frá dómurum og sagði að hann þyrfti að fótbrotna svo að aðrir leikmenn fengu spjald.
Benitez ræddi svo einnig um dómara leiksins, Andre Marriner fyrir leik og fór það ekki vel í knattspyrnusambandið.
,,Ég hef mikla trú á Andre Marriner. Hann er með mikla reynslu þó að hann sé ekki með bestu tölfræðina þegar kemur að okkar liði og rauðum spjöldum,“ sagði Benitez.