Jose Mourinho, stjóri Manchester United, ræddi við fjölmiðla í kvöld eftir leik liðsins við Derby í deildarbikarnum.
Mourinho og félagar eru úr leik í keppninn en Derby vann í vítakeppni á Old Trafford. Phil Jones reyndist skúrkurinn á punktinum.
,,Það sem gerðist er að við skoruðum ekki þegar við gátum í fyrri hálfleik. Við fengum tækifærin til þess, til að drepa leikinn,“ sagði Mourinho.
,,Ég sagði það sama í hálfleik í dag og um helgina. Þeirra lið hafði trú á verkefninu og spilaði mjög vel og við þurftum að drepa leikinn en gerðum það ekki.“
,,Ég vildi ekki sjá svona viðbrögð eftir jöfnunarmarkið, ég vildi fara og vinna leikinn. Eftir rauða spjaldið vorum við í erfiðri stöðu.“
,,Svo kemur að vítakeppninni og einhver þarf að klúðra. Þegar ég sá að sex eða sjö voru búnir að taka víti þá vissi ég að við værum í vandræðum með Eric Bailly og Phil Jones.“
,,Ég er ekki að gagnrýna þá? Ég tel að það sé ekki rétt. Viltu að ég fari eða viltu að ég ræði leikinn? Á ég að segja að við höfum átt frábæran leik?“
,,Ég hef ekki áhyggjur af deildarbikarnum lengur því við spilum ekki hér fyrr en á næstu leiktíð. Ég væri að ljúga ef ég myndi segja að við hefðum kastað leiknum frá okkur, við vildum vinna og ég er vonsvikinn með jafnteflið.“