Frank Lampard sá sína menn í Derby County vinna Manchester United á Old Trafford í kvöld.
Derby sló United úr leik í vítakeppni en liðið spilaði vel í venjulegum leiktíma og var lengi sterkari aðilinn.
Lampard var gríðarlega stoltur af sínum mönnum í leikslok en liðið klikkaði ekki á einni vítaspyrnu í vítakeppninni.
,,Ég er bara í smá sjokki á góðan hátt. Þvílík frammistaða frá liðinu, að lenda 1-0 undir og svo spila eins og þeir gerðu, við klikkuðum á færum og maður fékk það á tilfinninguna að við myndum ekki komast aftur inn í leikinn,“ sagði Lampard.
,,Svo þurftum við að spila sex mínútur í uppbótartíma. Ég er bara svo stoltur þjálfari, þeir voru magnaðir.“
,,Það var auðvelt að velja sama liðið eftir frammistöðuna gegn Brentford um helgina og þeim langaði mikið að spila á Old Trafford og þeir áttu það skilið. Ég er bara svo stoltur af þeim, svo stoltur.“