Lið Celtic í Skotlandi hefur farið erfiðlega af stað á tímabilinu en liðið er í sjötta sæti deildarinnar eftir sex umferðir.
Celtic hefur verið langbesta lið Skotlands síðustu ár en hefur nú þegar tapað tveimur leikjum og aðeins skorað sex mörk.
Celtic kemst einnig oftar en ekki í riðlakeppni í Evrópu en liðið datt úr leik egn AEK Athens fyrr í sumar.
Kris Boyd, framherji Kilmarnock, telur að leikmenn liðsins séu ekki að nenna að spila í treyju liðsins þessa stundina en Brendan Rodgers er stjóri félagsins.
Boyd og félagar í Kilmarnock unnu Celtic 2-1 í síðustu umferð og var hann ekki hrifinn af frammistöðu liðsins.
,,Eru þeir í raun að nenna að spila í treyju Celtic þessa stundina? Það held ég ekki,“ sagði Boyd.
,,Ég veit að þeir héldu fund eftir að hafa dottið úr Meistaradeildinni. Eftir það þá er augljóst að búningsklefinn er tvískiptur. Það er enginn efi um það. Það var augljóst.“