Gary Cahill, leikmaður Chelsea, gaf það út á dögunum að hann væri líklega á förum frá félaginu á næsta ári.

Cahill hefur ekki byrjað leik fyrir Chelsea á tímabilinu en gæti spilað gegn Liverpool í deildarbikarnum á morgun.

Gianfranco Zola, aðstoðarþjálfari Chelsea, segir að það sé gott að Cahill sé pirraður á bekknum.

,,Í fyrsta lagi, hvort hann spili á morgun eða ekki þá er sú ákvörðun ekki tekin vegna þess sem þið hafið verið að segja,“ sagði Zola.

,,Það er fullkomlega skiljanlegt að Gary sé pirraður. Við viljum að hann sé pirraður. Það þýðir að honum sé ekki sama.“

,,Hann er topp atvinnumaður og er að gera allt rétt. Hann þarf bara að vera þolinmóður.“

,,Hann kom til baka seint á undirbúningstímabilinu og aðrir leikmenn eru að gera vel. Hann mun fá tækifærin.“