fbpx
433

Var starfið hjá Fjölni of stórt fyrir Ólaf Pál? – ,,Ekki nóg að vera Jói á baunagrasinu og halda sér í Pepsi deildinni“

Hörður Snævar Jónsson
Mánudaginn 24. september 2018 13:14

Fjölnir féll úr Pepsi deildinni í gær eftir tap gegn Breiðabliki en liðið hefur verið í efstu deild síðustu ár.

Fjölnir er stórt félag en það er mikið högg fyrir félagið að fara niður í næst efstu deild.

Rætt var um málið í Dr. Football, hlaðvarpsþætti sem Hjörvar Hafliðason stýrir í dag.

,,Það eru margar ástæður fyrir því að þeir eru fallnir, hrun Fjölnis byrjaði ekki í dag eða í gær. Þeir hafa farið niður á við síðustu tvö tímabil, fyrir tveimur árum var Fjölnir með 37 stig, skoraði 43 mörk og fékk á sig 25. Í fyrra 32 skoruð, 40 á sig og 25 stig. Í ár 22 mörk skoruð, 37 sá sig og 19 stig. Þetta kemur mönnum ekki þannig á óvart,“ sagði Kristján Óli Sigurðsson, sérfræðingur þáttarins.

Kristján telur að liðið sé ekki nógu gott og bendir á nokkra punkta.

,,Liðið er ekki nógu gott, þeir fengu drengi til baka úr FH sem áttu að styrkja FH í fyrra. Bergsveinn Ólafsson og Guðmundur Karl komu til baka. Guðmundur er ágætis leikmaður og allt það en Bergsveinn átti að vera hjartað í þessari vörn. Við sjáum það bara að það er ekki nóg að vera Jói á baunagrasinu og halda sér í Pepsi deildinni, þú verður að borða kjöt og geta eitthvað. Hann hefur verið á bekknum síðustu tvo leiki, samt er vörnin slök. Það segir mér að Ólafur Páll er ekki sáttur með hann.“

Mikael Nikulásson tók í sama streng og gaf Ólafi Páli Snorrasyni, þjálfara liðsins falleinkunn fyrir leikinn í gær.

,,Það eru góðir leikmenn í Fjölni, Almarr, Birnir Snær og Ægir verða pottþétt í efstu deild á næsta ári. Liðið er ekki nógu gott, það er ekkert sem kemur á óvart að þeir fari niður. Birnir og Þórir Guðjónsson, tveir hættulegustu sóknarmenn liðsins eru bekkjaðir í gær. Koma inn í hálfleik, þegar drullan er kominn upp á bak. Ólafur Páll hafði ekki meiri trú á leikmönnum en það. Þú byrjar með þitt besta lið, þetta var eins og æfingaleikur í febrúar. Algjör falleinkunn hjá Ólafi í gær.“

,,Ólafur Páll heldur örugglega áfram, þeir eru með næst lélegasta liðið. Hann á bara að halda áfram, hann átti kannski ekki að fá þetta tækifæri í efstu deild. Aldrei þjálfað áður.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 14 klukkutímum

Mane nær næsta leik Liverpool

Mane nær næsta leik Liverpool
433
Fyrir 14 klukkutímum

Hefði aldrei yfirgefið Arsenal hefði Wenger verið um kyrrt

Hefði aldrei yfirgefið Arsenal hefði Wenger verið um kyrrt
433
Fyrir 16 klukkutímum

Ronaldo mættur aftur á Old Trafford

Ronaldo mættur aftur á Old Trafford
433
Fyrir 16 klukkutímum

Ronaldo vildi ekki vera áfram – ,,Getum ekki farið að grenja yfir þessu“

Ronaldo vildi ekki vera áfram – ,,Getum ekki farið að grenja yfir þessu“
433
Fyrir 18 klukkutímum

Frændi Gerrard æfir með aðalliði Liverpool en nú reynir Dortmund að fá hann

Frændi Gerrard æfir með aðalliði Liverpool en nú reynir Dortmund að fá hann
433
Fyrir 18 klukkutímum

Sex leikmenn misstu af æfingu United í dag

Sex leikmenn misstu af æfingu United í dag
433
Fyrir 20 klukkutímum

Sanchez gat ekki æft með United í dag og tæpt að hann spili gegn Juventus

Sanchez gat ekki æft með United í dag og tæpt að hann spili gegn Juventus
433
Fyrir 21 klukkutímum

Þetta sagði Ronaldo þegar hann gekk inn í klefa United í fyrsta sinn – Hafði rétt fyrir sér

Þetta sagði Ronaldo þegar hann gekk inn í klefa United í fyrsta sinn – Hafði rétt fyrir sér