Brasilíski snillingurinn Marta hefur verið kosinn leikmaður ársins af FIFA í kvennaflokki.
Þetta var staðfest í kvöld en Marta er að vinna verðlaunin í sjötta skiptið. Hún vann síðast árið 2010.
Marta vann verðlaunin 2006, 2007, 2009 og 2010 en hún er af mörgum talin besti leikmaður heims.
Marta er 32 ára gömul í dag og hefur víða komið við á ferlinum og raðað inn mörkum.
Marta spilar í dag með Orlando Pride í Bandaríkjunum en var fyrir það í þrjú ár hjá FC Rosengard í Svíþjóð.
Hún hefur einnig verið mögnuð með brasilíska landsliðinu og hefur gert 110 mörk í 133 landsleikjum.