Zlatan Ibrahimovic skoraði á dögunum sitt 500. mark á ferlinum en hann leikur í dag með LA Galaxy.

Zlatan ræddi afrekið í viðtali í gær og tjáði sig einnig um gagnrýnendur sem töldu sig vita hluti er hann var að hefja ferilinn.

,,Ég fékk tækifæri til að spila með öllum stóru liðunum, öllum stóru leikmönnunum og ég skoraði samt þessi mörk,“ sagði Zlatan.

,,Þegar ég hóf ferilinn þá sögðu þeir við mig að ég væri góður en að ég gæti ekki skorað mörk. Þessi mörk eru líka fyrir þá.“

,,Það er útlit fyrir það að ég kunni að skora mörk. Ég hef skorað 500, það er brjáluð tala í fótbolta.“