Cristiano Ronaldo, leikmaður Juventus á Ítalíu, gæti misst af leikjum liðsins gegn Manchester United á Old Trafford.
Ronaldo fékk beint rautt spjald í kvöld er liðið mætti Valencia í Meistaradeildinni.
Ronaldo virtist rífa í hár Jeison Murillo, leikmanns Valencia og fékk í kjölfarið beint rautt spjald.
Ronaldo gæti verið settur í þriggja leikja bann og gæti misst af báðum leikjum Juventus við United í Meistaradeildinni.
Ronaldo verður allavega í banni í næsta leik gegn Young Boys en hann gæti þó fengið enn lengra bann.
Það væri mikið áfall fyrir Portúgalann sem gerði það gott með United áður en hann samdi við Real Madrid á Spáni.