Stjarnan og KA skildu jöfn í Pepsi-deild karla í kvöld en leiknum lauk með 1-1 jafntefli í Garðabæ.
Stjarnan er nú þremur stigum á eftir toppliði Vals þegar tvær umferðir eru eftir. KA er sex stigum frá fallsæti og er nánast öruggt í deildinni.
Hér má sjá það góða og slæma úr leiknum.
Plús:
KA lék leikinn af skynsemi, varðist af krafti og sótti hratt.
Callum Williams varnarmaður KA hefur reynst liðinu frábærlega í sumar. Var mjög öflugur í kvöld.
Sölvi Snær Guðbjargarson, ungur leikmaður í liði Stjörnunnar kom af inn af miklum krafti. Kláraði færið sitt afar vel.
Mínus:
Titilbaráttunni er ekki alveg lokið en Valur er skrefi nær titlinum eftir þessi úrslit. Jafntefli gegn FH um helgina mun setja 9 fingur á þann stóra hjá Val, þeir eiga Keflavík í síðustu umferð. Sem eru áskrift á þrjú stig.
Stjarnan fór afar illa með færin sín, hefðu á eðlilegum degi klárað þennan leik.
Hilmar Árni Halldórsson er kaldur sem ís, hann hefur ekki trú á því sjálfur að hann skori þegar færin koma.