Mauricio Pochettino, stjóri Tottenham, var reiður á blaðamannafundi í kvöld eftir 2-1 tap gegn Inter Milan í Meistaradeildinni.

Eftir leik var Pochettino spurður út í Kieran Trippier og Toby Alderweireld sem ferðuðust ekki með Tottenham til Ítalíu.

Pochettino reiddist eftir þessa spurningu og vill meina að blaðamenn sýni óvirðingu með því að nefna þá tvo eftir tapleik en þeir komu ekki við sögu.

,,Af hverju að móðga leikmennina sem eru ekki að spila? Þú getur kennt mér um og hraunað yfir hvernig ég ákvað að stilla upp liðinu,“ sagði Pochettino.

,,Gerið það fyrir mig og ekki sýna þeim leikmönnum sem spiluðu ekki óvirðingu því þetta er mín ákvörðun.“

,,Kieran Trippier og Toby Alderweireld, við vorum með 25 leikmenn. Þið spyrjið út í þetta, við getum byrjað með 11 leikmenn en eru hinir 13 eða 14 ömurlegir? Eru þeir skítlélegir?“