Douglas Costa, leikmaður Juventus á Ítalíu, hefur verið dæmdur í fjögurra leikja bann af ítalska knattspyrnusambandinu.
Costa missti stjórn á skapi sínu um helgina er Juventus mætti Sassuolo í ítölsku úrvalsdeildinni.
Costa hrækti á meðal annars á Federico di Francesco, leikmann Sassuolo og skallaði hann fyrir framan dómarann.
Costa er ekki þekktur fyrir að vera mjög reiður á velli en hann hefur nú verið dæmdur í fjögurra leikja bann.
Costa spilar ekki leik þar til í lok október og verður ekki með gegn Frosinone, Bologna, Napoli og Udinese.