Patrick Pedersen skoraði þrennu fyrir lið Val í dag er liðið vann 5-1 sigur á ÍBV. Hann er nú með 16 mörk í deildinni.

Pedersen og Valur eiga tvo leiki eftir í deildinni gegn FH og Keflavík og þarf Daninn að skora fimm mörk ef hann vill bæta markamet efstu deildar.

,,Þetta snerist um að nýta færin sem við fengum, við fengum mörg færi og vorum 1-0 undir í hálfleik,“ sagði Pedersen við Stöð 2 Sport.

,,Við þurftum að skora úr þessum færum og við gerðum það í síðari hálfleik. Það mikilvægasta var að fá þrjú stig.“

,,Ég veit ekki [hvort hann geti bætt markametið], það eru tveir leikir eftir og þú veist aldrei hvað gerist. Næsti leikur gegn FH er stór leikur og nú höfum við viku til að undirbúa okkur.“