Julen Lopetegui, stjóri Real Madrid, vill alls ekki að Barcelona spili við lið Girona í Miami í janúar.
Spænska knattspyrnusambandið hefur samþykkt það að einn leikur á hverju tímabili verði spilaður í Norður-Ameríku.
Talað er um það að á þessu tímabili muni leikur Barcelona og Girona fara fram erlendis en Lopetegui er ekki hrifinn af því.
,,Ég hef talað um þetta áður en ég er ekki hrifinn af þessu,“ sagði Lopetegui fyrir leik gegn Athletic Bilbao.
,,Ég held að við ættum öll að spila við sömu aðstæður, á sömu völlum. Það gerir mótið jafnt.“
