Lionel Messi, leikmaður Barcelona og argentínska landsliðsins, hágrét eftir leik liðsins við Síle í úrslitum Copa America árið 2016.
Argentína tapaði þeim leik og var Messi gríðarlega sorgmæddur eftir leik. Þetta segir fyrrum sjúkraþjálfari Barcelona og Argentínu, Elvio Paolorosso.
Paolorosso fann Messi hágrátandi á vellinum eftir leik en hann vildi fá að vera í friði.
,,Andrúmsloftið í búningsklefanum var mjög sárt eftir Copa America en það versta átti eftir að gerast,“ sagði Paolorosso.
,,Klukkan tvö um nótt þá fór ég niður í geymslu og fann Leo alveg einan. Hann var grátandi eins og krakki sem hafði misst móður sína.“
,,Hann var í rústi og það var enginn sem gat huggað hann. Ég reyndi það og við grétum aðeins saman.“