Samkvæmt veðbönkum á Englandi er ansi líklegt að John Terry sé á leið aftur til Chelsea.
Terry yfirgaf Chelsea fyrir síðustu leiktíð og samdi við Aston Villa. Þar lék hann 36 deildarleiki er liðið komst í umspil um laust sæti í efstu deild.
Terry varð hins vegar samningslaus í sumar og hefur enn ekki fundið sér nýtt lið. Hann er 37 ára gamall í dag.
Líklegast er að Terry snúi aftir til Villa sem leikmaður en ef ekki þá gæti hann snúið aftur á Stamford Bridge.
Terry mun þó að öllum líkindum taka að sér nýtt hlutverk og gerast þjálfari hjá félaginu frekar en leikmaður.
Terry var nálægt því að semja við Spartak Moskvu í Rússlandi á dögunum en hætti við því hann vildi ekki flytja með fjölskylduna til Rússlands.