Lárus Orri Sigurðsson mun hætta þjálfun hjá Þór Akureyri eftir tímabilið. Þetta staðfesti félagið í dag.
Þór var lengi fínum málum í Inkasso-deild karla í sumar og stefndi á að komast aftur í efstu deild.
Aðeins tveir leikir eru eftir í Inkasso-deildinni og eiga Þórsarar ekki lengur möguleika eftir erfitt gengi í síðustu leikjum. Liðið situr í fjórða sæti deildarinnar.
Tilkynning Þórs:
Lárus Orri Sigurðsson, þjálfari meistaraflokks karla hefur sagt starfi sínu lausu að tímabili loknu.
Lárus hefur unnið gott starf fyrir knattspyrnudeildina þau tvö ár sem hann hefur þjálfað meistarflokk karla hjá Þór. Stjórn knattspyrnudeildar þakkar Lárusi fyrir vel unnin störf og óskar honum velfarnaðar í því sem hann tekur sér fyrir hendur.
Stjórn knattspyrnudeildar Þórs