John Terry, fyrrum varnarmaður Chelsea, hefur ákveðið að hafna rússnenska félaginu Spartak Moskvu.
Þetta staðfesti leikmaðurinn í dag en Spartak hafði sýnt Terry mikinn áhuga og gat hann fengið góðan samning.
Terry er 37 ára gamall í dag en hann er án félags eftir að hafa yfirgefið Aston Villa.
,,Eftir að hafa hugsað mig um hef ég ákveðið að hafna samningstilboði Spartak Moskvu,” sagði Terry.
,,Ég vil nýta tækifærið og þakka Spartak fyrir og ég óska þeim og stuðningsmönnum góðs gengis á tímabilinu.”