Kórdrengir 0-0 Reynir S. (0-2)
Reynir Sandgerði hefur tryggt sæti sitt í 3.deild karla næsta sumar eftir viðureign við Kórdrengi.
Reynir vann fyrsta leik liðsins á sínum heimavelli 2-0 en síðari leikur liðanna fór fram í kvöld.
Leiknum lauk með markalausu jafntefli en Kórdrengir spiluðu allan síðari hálfleik manni færri.
Viktor Unnar Illugason fékk rautt spjald hjá Kórdrengjum undir lok fyrri hálfleiks og klikkaði Ásgeir Frank Ásgeirsson svo á vítaspyrnu fyrir liðið í síðari hálfleik.
Skallagrímur og Reynir hafa því bæði tryggt sér sæti í 3.deild en það er enn pláss fyrir eitt lið.
Kórdrengir og Álftanes munu berjast um lausa sætið og mætast á laugardaginn.
