Þór/KA 0-1 Wolfsburg
0-1 Pernille Harder(31′)
Þór/KA fékk verðugt verkefni á Akureyri í dag er liðið mætti stórliði Wolfsburg í Meistaradeildinni.
Wolfsburg er eitt besta kvennalið heims og spilaði í úrslitum Meistaradeildarinnar á síðustu leiktíð.
Wolfsburg var mun sterkari aðilinn í leik dagsins en tókst þó aðeins að skora eitt mark gegn engu hjá heimastúlkum.
Pernille Harder skoraði eina mark leiksins fyrir Wolfsburg í fyrri hálfleik en hún var valin besti leikmaður heims af UEFA á dögunum.
Sara Björk Gunnarsdóttir er partur af liði Wolfsburg og spilaði allan leikinn í dag.
Leikið var í 32-liða úrslitum keppninnar og fer síðari leikurinn fram í Wolfsburg eftir tvær vikur.
