Sunderland á Englandi hefur ákveðið að losa sig við varnarmanninn Papy Djilobodji.

Þetta var staðfest í dag en Djilobodji hefur undanfarin tvö ár spilað með Sunderland. Hann kom til liðsins frá Chelsea.

Varnarmaðurinn mætti allt of seint til æfinga í sumar en hann hafði ekki áhuga á að spila í ensku þriðju deildinni með Sunderland.

Félagið hefur nú ákveðið að segja skilið við kappann sem var heldur ekki í formi er hann sneri aftur til æfinga.

Annar leikmaður Sunderland, Didier Ndong, skrópaði á æfingar í sumar og er ekki ólíklegt að hann fari einnig frá félaginu.